Nagaland MP NEHU Court member atan ruat

Nagaland Rajya Sabha MP S Phangnon Konyak chu Court of the North-Eastern Hill University (NEHU) member atan ruat a ni. India Vice President Jagdeep Dhankhar-a'n Rajya Sabha Chairman a nihna anga a ruat hi April 15 aṭanga hman ṭan a ni.

State BJP unit chuan Konyak chu an chhuan thu sawiin, NEHU apex policy body-a a telna hian sorkar laipuiin academic institution pawimawha biak hrang hrang aiawhte an tel theihna tura thuam chak a tumna a ni, an ti. Konyak ruat a nih hian hmarchhak biala zirna leh hmasawnna kawngah a ṭanpui dawn tih an sawi.

Kum 1973-a parliamentary legislation hmanga din NEHU hi hun rei tak chhung chu Meghalaya, Nagaland leh Union Territory hlui Arunachal Pradesh leh Mizoram tan zirna in pawimawh tak a ni a, university hian mithiam leh mi lar tam tak a lo chher chhuak tawh a ni.