Arunachal Pradesh : 16th Finance Commission-in Ziro Valley tlawh

16th Finance Commission of India aṭanga member sawm awmna team, Annie George Mathew kaihhruai chuan nimin khan Arunachal Pradesh-a Lower Subansiri District-a Ziro Valley tlawhin, hmasawnna atana hmalakna hrang hrang an zirchiang a, stakeholder-te nen an inkawm bawk.

Team hi Hapoli-ah District thuneituten an lo hmuak a, Panchayati Raj Institution (PRI) member leh Head of Department (HOD) te nen inkawm hona an nei. Helai biala flagship scheme hrang hrang kalpui mekte hmasawnna, harsatna an tawh te leh nghawng a neih te an sawi ho a ni.

Commission hian valley chhung hmun pawimawh tak tak tlawh kualin; Tarin Integrated Aqua Park, Kardo Shivalinga hmun thianghlim leh Birii Seeh Lake te pawh a tlawh a ni. Team te hnenah tualchhung infrastructure leh eco-tourism tihhmasawn hna thawh dan tur hriattir an ni bawk.

Team hian India rama organic kiwi wine hmasa ber siamchhuahna lama hmingthang tak, Naara Aaba Winery an tlawh bawk a, winery dintu, tualchhung entrepreneur Tage Rita pawh an hmu nghal. District Administration buatsaih cultural evening hmangin an hun hman hi an khar a ni .