Sikkim : Governor-in hmasawnna scheme ennawn

Sikkim governor Om Prakash Mathur leh Gangtok District magistrate, Tushar G. Nikhare te chu April 9 khan Raj Bhavan-ah inkawmin, district chhunga hmasawnna tura hmalakna kalpui mek an sawidun a, Vibrant Villages Programme chu an ngaih pawimawh ber a ni. He programme hi India sorkar flagship scheme niin, ramri bul hmun hla tak tak leh tlawhpawh loh khuate tih hmasawn tumna a ni.

Governor chuan Gangtok-a programme kalpui dan tur chipchiar taka siam chu dilin, District Magistrate hian project pawimawh eng emaw zat kalpui mek chungchang a hrilhfiah bawk. Heng zingah hian Gnathang-a Kuzu Eco Park, Ministry of Home Affairs aṭanga sanction dawng tawh, Sikkim sorkarin a tih hlawhtlin mek pawh a tel. He project hian thingtlang lamah khualzin a tih pun dawn bakah, hmasawnna nasa tak a thlen dawn a, ramria chengte tan eizawnna a siam theih beisei a ni.

District administration inpekna chu fakin, Governor Mathur chuan thingtlang infrastructure tih chak leh khaw hla tak taka awmte chawikang tura hmasawnna chu lawmawm a tih thu a sawi. State ramri-a mi zawng zawng huapzo hmasawnna thlenna kawnga state leh sorkar laipui thawh dunna ṭha tak chu a fak bawk.