Assam : NFR-in lei 37 dawh zo tawh

Northeast Frontier Railway (NFR) chuan operational efficiency tih changtlun leh inkalpawhna lama hmalakna atan April 2024 leh March 2025 inkar khan Road Over bridge (ROB) 11 leh Road Under Bridge (RUB) 26 an dawh zo tawh. NFR hian Assam, Bihar, leh West Bengal-ah rel kawng himna leh infrastructure tihchangtlunna kawngah hma lain, manned level crossing (MLC) 28 chu tih bo a ni.

ROB 11 leh RUB 26 siam hian inkalpawhna a ti changtlung a, kawngpui leh rel tlan dan tur pawh a awlsam zawk a, lirthei tawt lutuk tur lakah vengin NFR-in transportation rintlak a kalpui zelna a tilang chiang hle a ni, tiin NFR-a CPRO Kapinjal Kishore Sharma chuan a sawi.

Heng infrastructure tihchangtlunna hi National Highways Authority of India (NHAI), Railway Divisions, Construction Wings leh Deposit Agencies te chuan state sorkar leh stakeholder dangte nen thawhhona ṭha tak nen an thawk a ni, a ti. He thawh hona ṭha tak hmang hian project te chu a hun taka zawhfel niin, Dibrugarh, Kamrup Metro, Jorhat leh Lakhimpur-ah ROB leh Alipurduar leh Kokrajhar-ah RUB emaw LHS structure te pawh a tel a ni. Project tinte chu traffic volume leh tualchhung mamawh uluk taka tehna hmanga ruahman a ni.

Sharma chuan April 2024 leh March 2025 inkar khan Northeast Frontier Railway chuan Road Over Bridge (ROB), Road Under Bridge (RUB), Low Height Subways(LHS), direct closure leh planned diversion te hmangin manned level crossing (MLC) 28 tih bo a nih thu a sawi bawk.