Assam : UCO Bank hnathawk man

Assam police-te chuan Dhubri khua-a South Salmara branch UCO Bank-a thawk, Shivshankar Prasad Bin chu bank aṭangi Rs nuai 34 a ti chingpen nia puh avangin Bihar-ah an man.

Dhubri khuaa cheng Bin hi April 6 zing khan Bihar-a Vaishali district-a Hajipur Block, Saidpur Rajauli khua aṭangin man a ni a, an man hun hi zing dar 4:30 vel niin, thuneitute chuan a kut aṭang hian Rs nuai 10 an mansak bawk a ni.

Sum tihchingpen nia sawi hi South Salmara branch manager, Chiradeep Paul-a'n customer pahnih/pathum hnen aṭanga an deposit balance in ang lo chungchanga complaint a dawn hnua hriatchhuah niin, chhuichianna an neih hnuah Bin hian customer-te'n Rs nuai 8 vel an dah chu an account-ah a dah luhsak lo niin a sawi.

Enfiah a nih hnuah thil dik lo lian zawk a awm tih hmuhchhuah belh a ni a, bank-in a reserve aṭanga Rs nuai 26 vel a bo nia chhut a ni.

Thil dik lo hmuhchhuah leh Shivshankar Prasad Bin chin hriat loha a awm hnuah Branch Manager Chiradeep Paul chuan Dhubri Sadar police station-ah ziakin complaint a thehlut nghal a, chhui chianna neih niin, Bin-a hi Bihar-ah man a ni ta a ni. Police-te chuan sum tihchingpen a nih dan kimchang hriat chian leh, sum hman dik loh la awmte chu lak let leh tumin hma an la mek bawk.