Arunachal Pradesh : Governor leh Union Minister inkawm

Arunachal Pradesh governor K.T. Parnaik leh union minister Ram Nath Thakur chu Itanagar Bhavan-ah inkawmin, state chhunga agriculture leh infrastructure tih hmasawnna tura thil pawimawh an sawi dun.

Meeting-ah hian Union Minister of State for Agriculture & Farmers Welfare chuan state chhunga lo neih lama hmasawn dan tur te, central agricultural scheme kalpui leh tih punna kawnga thil pawimawh hrang hrangte sawi ho a nih thu official thuchhuah chuan a tarlang.

Parnaik chuan agriculture sector-a technology lam tih hmasawn a pawimawh thu sawiin, thil siamchhuah tih pun a, a neitute tana market inzawmna nghet zawk zawnte a pawimawh thu a sawi. Agriculture leh horticultural tharchhuah chhe thei tur ven nan Market Intervention Scheme (MIS) kalpui a pawimawh thu te, scientific storage infrastructure tih hmasawn nan Integrated Scheme for Agricultural Marketing (ISAM) kalpui a pawimawh thute a sawi bawk. Heng hmalaknate hi buh seng hnua hlohna tih tlem leh loneitute tan an thlai thar chungchangah man dik tak siamna kawngah a pawimawh hle ang, a ti.

Governor chuan Thakur chu state-in Arunachal Pradesh-a sipai awmte hnena tualchhung aṭanga thlai leh thar chhuah a supply ṭhin, ‘Arun Himveer’ hmalakna chungchang a hrilh bawk. Thakur chuan Parnaik chu state chhunga agriculture tharchhuah tihpun leh loneitute hamṭhatna tih changtlun kawngah sorkar laipuiin a thlawp zel dawn tih a tiam a ni.