Meghalaya: Ruihhlo ngawlvei awm zat tlahniam

Meghalaya chuan an state-a ruihhlo ngawlvei awm zat tih hniam kawngah hmasawnna nasa tak neiin, tun dinhmunah 20% zetin a tlahniam niin a sawi. Hei hi ruihhlo do kawnga state sorkar inpekna, a bik takin Drug Reduction Elimination and Action Mission (DREAM) kalpui a nih dan a ti lang niin a sawi.

Sorkar chuan he project kum nga chhung awh tur, momentum hi vawn nung zel a tum a, ruihhlo hmansualna ti tawp tura hmalakna chu an thil tum ber a ni. DREAM hian FG Kharshiing-ah Mission Director ṭha tak neiin, civil society leh professional health provider-te nen pawh an inzawmna a ṭhat thu social welfare minister Paul Lyngdoh chuan Ningani khan a sawi. Lyngdoh chuan heng hmalaknate hian nghawng a neih chu hnial rual a ni lo tih sawiin, kum khat leh a chanve chhung chauhin ruihhlo ngawlvei zat chu 20% aia tamin a tlahniam a ni, tiin a sawi bawk.

Minister chuan kum nga chhunga state-in kum tin ruihhlo hmansualna 20%-a a tih tlem chuan ruihhlo do kawngah hlawhtlinna nasa tak a thlen dawn tih a puang a, mahse trained medical professional, ruihhlo hmansual lama specialist-te an tlem hle tih a sawi bawk.

Sorkar chuan he buaina chingfel tur hian hma a la nasa tawk loa, fund leh hmanrua nei mah se mithiam bik an tlakchham bakah, Addiction center enkawl tur chuan mithiamte an pawimawh hle a, mi tam tak chuan facility leh Durbar Shnong neih chu a tawk niin an ngai. Mahse professional tel lo chuan secretary emaw Rangbah Shnong emaw hian ruihhlo ngaite chu a pui thei lo a ni, tiin Lyngdoh chuan a sawi.