Arunachal Pradesh: SC judge-te'n tribal-te chenna hmun tlawh dawn

Supreme Court judge leh National Legal Services Authority (NALSA) Executive Chairman ni bawk Justice B.R. Gavai chuan Arunachal Pradesh an tlawh dawn a; Dirang, Bomdila, West Kameng district, leh Tawang-a awm tribal community-te an tlawh dawn.

Justice Gavai hi Supreme Court judge, Justice Ujjal Bhuyan-a'n a ṭawiawm dawn a ni. March 29-30 chhunga neih tura ruahman a ni a, hei hi mega legal awareness camp ‘seva aapke dwar’ hmalakna, hmun kilkhawr zawka tribal-te nena inzawmna siamna hnuaia an kalpuina a ni.

Arunachal Pradesh-a kum 2011 Census-a a lan danin mipui 68% chuang chu tribal an ni. Heng mite dikna chanvo humhalh leh an hamṭhatna tur atana hmalakna neih a ṭul hle tiin NALSA thuchhuah chuan a tarlang.

Legal aid leh awareness camp hian tribal community-te chu dan hrang hrang hnuaia an dikna chanvo chungchang zirtirna a pe dawn a, chung zingah chuan Scheduled Tribes and Other Traditional Forest Dwellers (Recognition of Forest Rights) Act, 2006, Assam Frontier (Administration of Justice) Regulation, 1945, leh Arunachal Pradesh Civil Court Act, 2021 te pawh a tel.