Meghalaya: Bengaluru-ah guest house lei remti

Meghalaya cabinet chhuan Bangalore-a building pakhat chu Meghalaya aṭanga kal zirlai leh khualzinte tana hman theih tura lei a remti. Hemi atan hian Rs vbc 20 sen a remti bawk.

Cabinet Minister leh sorkar thupuangtu Paul Lyngdoh chuan, Meghalaya aṭanga Bengaluru tlawhtute awmna tur leh a bik takin zirlai awm theihna tur building a lei turah hian dorm pahnih, mipa 50 leh hmeichhe 50 awm theihna tur a nih thu sawi. Lyngdoh chuan Bangalore chu Meghalaya mite tlawh tamna hmun niin, course hrang hrang zirlai pawh an awm nual thu a sawi bawk a ni.

Bangalore-a Meghalaya House siam tum chungchang zawhna chhangin, Lyngdoh chuan he project hi ngaihtuah mek a nih laiin, zirlai chenna senso sang tak vanga harsatna tawk mekte ṭanpuina tur a nih thu a sawi. Zirlai tam takin awmna turah harsatna an tawk nasa hle a, Meghalaya House sak a nih chuan post tam zawk siam leh officer dah an tum thu a sawi bawk. Sorkar chuan guest house din hmasak a rel a, tlawhtute leh state chhunga zirlai awmte tan a bik taka buatsaih guest house facility an siam hmasak tur thu Lyngdoh chuan a sawi.