Assam: Debabrata-a'n Congress hruaitu jail tang mek a hmu

Assam-a eptu pawl hruaitu, Debabrata Saikia chuan Nilaini khan North Lakhimpur Jail-ah Congress hruaitu tang mek, Reetam Singh a hmu. Lakhimpur district-a Congress worker team nen hruaitu tang mek hi an kawm a ni.

North Lakhimpur-a Rajeev Bhawan-a chanchinthar lakhawmtute a kawmnaah, Debabrata Saikia chuan Gauhati High Court-in Ningani hian bail petition a ngaihtuah dawn avangin a thubuaiah hian rorelna dik a langchhuak dawn tih a sawi. Singh-a an puhna thubuaiah hian police-te chuan thutlukna siama an finfiah loh chuan hma an la thei lo tih a sawi bawk.

Reetam Singh chu mi fing tak, zirna lamah pawh thiamna sang tak nei niin a sawi a, Saikia chuan mimal thil social media-a post ai chuan state leh hnam pawimawhna chungchang post siam turin a fuih thu a sawi. Eptu pawl hruaitu hian Assam police-te chet dan leh Guwahati-a journalist Dilwar Mazumdar an man dan chu a dem thu a sawi bawk a ni.