Nagaland: NITI Ayog-in regional workshop buatsaih

NITI Aayog chuan Nagaland sorkar nen ṭangkawpin Nilaini khan Chumoukedima-ah hmarchhak state-te tan public health and water, sanitation, and hygiene (WASH) chungchangah regional workshop an buatsaih. Hei hi NeVolution hmalakna tia vuah a ni. Hmarchhak state hrang hrang aiawhten Workshop hi an hmanpui.

Workshop hian SDG 6, mi zawng zawngin tui thianghlim leh faina kawnga hma an sawn theihna tura hmalaknate thlawp a tum a, thawh hona hmanga bial puma hriselna lama hmasawnna zawng zawng tih changtlun tum a ni bawk.

He hunah hian Nagaland PHE leh Minister Jacob Zhimomi chuan hmarchhak state dangte leh Nagaland chu chhan hrang hrang avangin mipui hriselna leh, WASH nena inzawm harsatnate sutkian kawngah India state dangte aiin a tlahniam tih a sawi. Infrastructure awm tawh mah se Nagaland-ah hian ruahtui tlak loh laiin tui a tlem bakah, tui hman tur a awm loh thu a sawi.

Zhimomi chuan NITI Ayog chu state hmasawnna atan India sorkar hnena a hmun ngeia an hmuh dan anga Nagaland tana rawtna tling pe turin a ngen.

Nagaland rural development minister Metsubo Jamir chuan state chhunga mipuite harsatna tawhte sawilangin, retheihna tih ziaawmna atana ram pum huap programme-te chu tualchhung mamawh leh bial chhunga thil danglam bikte nen a inmil tur a ni, tiin a sawi bawk.