Assam: Journalist man a ni

Assam digital news portal-a journalist pakhat chu sum hman dan dik tawk lo nia sawi chungchanga cooperative bank managing director thu a zawhfiah avangin police-te'n darkar kua aia rei an hren hnuah an man.

The Cross Current-a chief reporter leh Gauhati Press Club-a assistant general secretary, Dilwar Hussain Mozumder hi MD thu zawh chungchang avang hian Thawhlehni khan police ten an ko a ni.

He thil hi Assam Jatiya Parishad youth wing, Jatiya Yuva Shakti (JYS)-in sum hman dan dik tawk lo awm nia vanga Assam Cooperative Apex Bank Ltd hmaa nawrh an huaihawt laia thleng a ni.

Mozumder hi Panbazar police station-ah koh a ni a, zanlai pelh hnu thleng hren a ni. Bharatiya Nyaya Sanhita (BNS) section hrang hrang leh Scheduled Caste and Scheduled Tribe (Prevention of Atrocities) Act section kaihhnawihah thubuai siamsak a ni bawk. Mozumder lakah hian FIR thehluh a ni a,mahse a thehluttu hming tarlan a ni lo.

Complaint thehluhah hian journalist thusawi chu tum lawk saa Scheduled Tribe (ST) sawichhiat, tih mualpho leh tih thinrimna tumna a ni tih an tarlang. BNS leh SC/ST Act hnuaiah a thil tih sual hi bail theih loh a nih thu leh, hei vang hian man nghal a ni tih official-te chuan an sawi.