Meghalaya: NEHU pro vice-chancellor thar ruat

North Eastern Hill University (NEHU) chuan Shillong campus-a Pro Vice-Chancellor (PVC) thar atan Prof Sherwin May Sungoh a ruat.

Prof Sungoh hian March 21, 2025 khan official-in a hna a zawm a, vice-chancellor Prof Prabha Shankar Shukla hnenah a zawm thu a report niin NEHU official thuchhuah chuan a tarlang.

Academician veteran, Prof Sungoh hi NEHU Education Department-ah professor a ni. Pedagogy, curriculum siamna, leh zirna policy lama tawnhriat ngah tak a nih avangin university-a zirna lama hmalakna leh zirchianna tih hmasawn kawngah hmun pawimawh tak a chang a ni. Kum 10 aia tam university tan hian lo thawh hlawk tawhin research project, publication, leh administrative-a mawhphurhna te a chelh tawh bawk.

Pro Vice-Chancellor a nih angin Prof Sungoh hian Vice-Chancellor hi university inkaihhruaina, academic affairs, leh financial management enkawlna kawngah a pui dawn a, NEHU Act 13 leh Statute 3 (3) hnuaiah university rorelna tihchangtlun nan administrative, financial, leh academic mawhphurhna bikte pek a ni. Heng mawhphurhnate hi zirna in hmasawnna atan a ṭul ang a siamṭhat theih a ni. NEHU policy angin University Grants Commission (UGC) leh Ministry of Education, Government of India-in a ruat angin hlawh leh allowance a dawng dawn a ni.