Tripura: CM in hmarchhak investment tihpunna tur task force puang

Tripura chief minister Manik Saha chuan Inrinni khan hmarchhak biala investment tihpunna turin member panga awmna task force din a nih thu a puang. He task force-ah hian hmarchhak state chief minister-te pawh telin, helai hmuna investment tihhmasawn kawngah hma an la dawn a ni.

High-level investment promotion panel convener atana ruat CM Saha chuan task force-ah hian DoNER Minister Jyotiraditya M. Scindia pawh a tel tih sawiin, Meghalaya, Nagaland, leh Sikkim chief minister-te an tel bawk. Task force din tura thutlukna hi kum kal ta December thlaa Agartala North Eastern Council (NEC) plenary vawi 72-na neih ṭum khan siam a ni.

CM Saha chuan office memorandum chu sawi langin, hmarchhak biala investment tihhmasawn chungchangah member panga awmna high-level task force din a nih thu hi a sawi a ni. Panel hian terms of reference-a tarlan angin thla ruk chhungin NEC-ah report thehlut tura tih a ni. Memorandum-a tarlan danin, task force hian he biala investment ecosystem awm mek chu a zirchiang dawn a, policy, incentive, leh infrastructure te pawh a huam tel dawn a ni.

Panel chuan hmarchhak bial chu investment duhna hmuna dah theihna tur roadmap a siam dawn a, hei hian sector pawimawh tak tak, agriculture, tourism, logistic, IT, leh renewable energy-te a ngaihtuah dawn a, hmarchhak biala sector leh region hrang hrang, targeted investment cluster siam turin high-potential sector leh region te pawh a tarlang dawn a, chung zingah chuan agro-processing zone, tourism circuit, leh IT leh renewable energy corridor te pawh a tel dawn a ni.

Task force hian phalna pek awlsam zawkna tur, sumdawnna awlsam zawk siamna tur leh investor-te ngaihtuahna tihziaawmna turin policy siam ṭhat a rawt dawn a, investment ṭhanlenna tur sectoral growth plan kalpui dan tur a tarlang bawk ang.