Manipur : Security force-te'n bunker 5 tichhia

Central security force leh state police-te ṭangkawp chuan darkar 24 kal ta chhung khan Bishnupur leh Kangpokpi inter district-ah bunker panga an tichhia. Police-te chuan, Kangpokpi nena inzawm Bishnupur District Loktak police station hnuaia Kukimun leh Lamdan Kuki khuaa awm nia rinhlelhte'n dan loa bunker an siamte chu an ṭhiat tih an sawi.