Meghalaya: India rama hnathawh hun rei lo ber record siam

Tun hnaia zirchianna an neihah Meghalaya chu India ram chhunga private leh sorkar hnuaia thawkte hnathawh hun rei lo ber zingah a tel.

He zirchianna '“Time Spent on Employment-Related Activities in India: A Note” tihah hian ram chhung state hrang hranga hnathawh nana hun hmante tarlan a ni.

State puma hlawh neia mimalin hnathawhna atana hun a hman hi chawhrualin minute 422 (darkar sarih vel) a ni a, khawpui lam bialah chuan minute minute 375 emaw darkar 6.25 vel a ni. Meghalaya hi India ram state zinga economic activity a hun hmang tlem ber state zinga mi a ni.

Meghalaya bakah hmarchhak state dang leh Goa-ah chuan public leh private sector hnathawh hun chhunga thliar danglam lutuk a awm lo a, sector hrang hrang thawktute hnathawh hun hi a tawi tlangpui. Hnathawh hun rei lo zingah hian hmarchhak state dang - Assam, Mizoram leh Nagaland pawh an tel. Hetih lai hian Delhi, Daman & Diu, leh Dadra & Nagar Havel te chuan hnathawh hun chhung rei lamah record an siam thung.Telangana leh Rajasthan khawpui chhunga sorkar hnathawkte hian Meghalaya, Assam leh Kerala-a an thawhpui te aiin nitin darkar hnih aia tam hna an thawk bawk.

State ṭhenkhatah chuan public leh private sector-a thawkte thawh hun a in ang lo viau thung. Himachal Pradesh, Gujarat, Odisha leh Uttarkhand-ah chuan private sector-a thawkte chu sorkar hnathawkte an hnathawh darkar a tam zawk a ni.