Manipur : PPAM-in rorelna siamṭha turin President an ngen

Pawl ding thar, People's Progressive Alliance, Manipur (PPAM) chuan Nilaini khan President hnenah memorandum an thehlut a, state nghawngtu thil pawimawh pathum chungchangah hma la vat turin an ngen.

PPAM memorandum thehluhah hian an state-a democratic rorelna siamṭhat thuai leh ramri humhalh an phut. Tualchhung buaina chhuak mek vanga ram chhunga raltlante (IDP) sang tel ṭanpui nan a rang lama hma lak an phut bawk. Hei bakah hian

khawchhung mi tlawmngai (Khun Ngakpa) te chanvo pawimawhna pawh sawiin, harsatna thlen mek laiin sorkarin civil mite a humhim zo lo a ni, an ti. Heng volunteer-te hi dan anga venhim an phut a, hnam dodaltu ni lo in an khawtlang humhimtu an nih thu an sawi.