Meghalaya: USTM chancellor bail-in chhuahtir

Gauhati High Court chuan Sribhumi (Karimganj), Assam-a Patharkandi hmuna CBSE exam chungchanga thil felhlel awm vanga man, University of Science and Technology Meghalaya (USTM) Chancellor Mahbubul Hoque chu Thawhṭanni khan bail in a chhuahtir.

Hoque hi case number 54/2025 hnuaiah exam-a dik lo taka kalpui ah puhin an man a, Gauhati High Court-in a bail dilna a ngaihtuah mek laiin nimin tlai khan Sribhumi-ah an hruai kir leh a ni. Court chuan March 3 khan petition hmasa ber chungchangah thutlukna a siam a, Hoque-a hian Thawhṭanni khan a ṭum hnihna atan bail dilna hi a thehlut leh a ni.

Sribhumi Police-te chuan February 21 khan Hoque hi a chenna inah an man a, chhui chian turin Dispur Police Station-ah an dah a ni. February 24 khan Sribhumi district Chief Judicial Magistrate Court-ah Hoque hi a inlan tawh bawk. Court-a a inlan hmain Hoque hi Karimganj Civil Hospital-ah medical exam turin hruai a ni.

Police-te hian Hoque bakah zirtirtu pangate chu zirlai naupangte hnen aṭanga thamna la ah puhin an man bawk a, chungte chu Central Public School Principal Hiramani Saikia, Vijay Dutta, Rezak Ali leh Imdadur Rahman te an ni. Pathianni tlai khan court-ah hruai anni. Hoque leh Numaan Ahmed-te chu Dispur Police Station aṭangin Karimganj Police Station-ah an sawn bawk. Sribhumi Police-ten hren zui an dil loh avangin court chuan Hoque hi judicial custody-ah a dah a ni.