RSS chief-in Arunachal Pradesh tlawh

Rashtriya Swayamsevak Sangh (RSS) chief Mohan Bhagwat chuan February 27 khan ni li cham turin Arunachal Pradesh a thleng. A cham chhung hian RSS member-te meeting a neihpui dawn bakah, sakhaw hrang hrang hruaitute pawh a kawm ang.

RSS hotu hian RSS kum 100 tlin lawmna tur pualin ram chhung state hrang hrang tlawh kual a tum a ni. Arunachal Pradesh-ah hian March 2 thleng a cham ang. Hemi chhung hian ‘prant karyakarta shivir (state-level functionaries’ camp)’ chu Pachin khua, Naharlagun-a Abotani Vidya Niketan hmunah neih a ni dawn. He hunah hian state chhung hmun hrang hrang aṭangin RSS member 900 vel an kalkhawm a ni. Nimin han Lekhi khuaa Seva Dham-ah swayamsevaks (volunteer)-te hmaah thu a sawi a, he hunah hian phyical exercise te neih ani nghal bawk. Bhagwat hian RSS hnuaia inziak lut pawl hrang hrang hotute a hmu dawn bawk a ni.

Arunchal Pradesh aṭang hian Assam a pan ang.

RSS hian kumin hian Hindu kut pawimawh, Vijaya Dashami-ah kum 100 a tling tawh dawn a ni.