Manipur: Arambai Tenggol aiawhten Manipur Governor hmu

Meitei pawl Arambai Tenggol (AT) aiawhte chuan Thawhlehni khan Manipur governor Ajay Kumar Bhalla hmuin, memorandum an thehlut. An memorandum thehluhah hian ramri hung, NRC hman leh kum bithliaha 1951 hman, AT member-te telna village volunteer-te man leh thubuai siam sak loh an phutna thute a ziak.

Governor Bhalla-a'n tualchhung buaina a reh a, remna leh muanna awm leh theihna tura civil mite hnenah an ralthuam kawlte thuneitute kuta hlan vek tura a ngen hunuah AT hian Governor hi an hmu a ni. Manipur Raj Bhavan chuan Thawhlehnia meeting neih chungchangah thuchhuah a la siam lo thung.

Memorandum-ah chuan sorkar leh Kuki-Zo hel pawlte nena inkahhai, Suspension of Operations Pact an siam tih tawp an phut a, dan loa pem lutte aṭanga ST status paih bo sak leh an ram aṭanga hnawhchhuah bakah, Meitei hnam tan ST status pek an phutna pawh a tel a ni.