Manipur: BJP MLA-in sorkar thar din phut

Manipur-a Bharatiya Janata Party (BJP) MLA, Thounaojam Shyamkumar chuan President's Rule hnuaia awm mek, state Assembly-ah hruaitu thar thlan a, hemi hnuah sorkar thar din a phut.

February 20-a BJP state president A Sharda Devi a kawm hnuah, Shyamkumar chuan central leh state-a BJP hruaitute chu chief minister thar thlang turin a ngen a ni.

Hun rei tak tualchhung buaina thlenna hmun, Manipur-ah hian chief minister a nihna aṭanga N Biren Singh a ban hnuah, February 13 khan President's rule hi puan a ni. Hei vang hian state assembly pawh tih tawp a ni bawk.

BJP MLA chuan state assembly hruaitu thar thlan hnuah, a hma thei anga bera sorkar thar siam a ngen thu a sawi. President's rule hnuaia an awm chhunzawm zel leh, assembly ṭhiah a nih chuan MLA-te'n ban an duh mai thei a ni, tiin rorellai party-in state chhunga majority an nei chung pawha President's Rule hman a ni chu thil pawi tak a ni, a ti.

"Central leh state-a BJP hruaitute chuan an duh ber chu CM atana an thlang thei a ni. Mimal hming rawt bik pawh ka duh lo. Sorkar liam turin MLA pawh kan ngah tawk a ni," a ti. Manipur assembly term hi kum 2027 thleng awh tur a ni a, mahse President's rule hman a nih tak avangin tih tawp a ni ta rih a ni.