Meghalaya: KSU-in PET-qualified candidate exam phalsak ve ngen

Meghalaya-a Khasi Students’ Union (KSU) chuan Police director general, Ladashisha Nongrang hnenah December 1, 2023-a office memorandum tihchhuah chu ngaihtuah ṭha leh a, state police force-a post hrang hrang hnuaia lak tur Physical Efficiency Test (PET) pass tawh zawng zawngte chu written exam-a tel phalsak vek turin an ngen.

Home Deparmtent-in memorandum tih chhuahah hian hna lak tura post pakhatah candidate 20 chauh zel written examination nei tura tih a ni.

Meetingah hian KSU Employment Cell chairman, Rueben Najiar chuan Nongrang hnenah an ngenna lehkha hi hlanin Meghalaya sorkar, Home (Police) Department-in December 1, 2023-a Office Memorandum (Ref. No. HPL.231/2023/60) a siam chu ennawn turin a ngen.

Memorandum Paragraph 18.1-ah chuan written exam-a shortlist zat chu state reservation policy angin candidate category tina hna ruak awm zat aṭangin a let 20-a tam, 1:20 a ni tur tih a ni.

KSU chuan he ratio hian duhsak bik an neih thu a sawi a, PET pass zawng zawngte chu written exam neih phalsak vek turin an phut a ni. He thutlukna hian Meghalaya sorkar hnuaia hna thawh tur zawng, zirlaite a ti beidawng dawn niin a sawi.

DGP Idashisha Nongrang IPS chuan KSU te ngenna chu ngaihthlak sakin, candidate tinten exam an hmachhawn vek a pawimawh thu a sawi a, mahse hemi chungchangah hian sorkarin thutlukna an siam a ngai a ni, a ti.