Meghalaya : VPP in polling station-a venhimna dah phut

Meghalaya-a eptu party, Voice of the People Party (VPP) chuan West Jaintia Hills leh East Jaintia Hills-a District Election Officer (DEO)-te chu February 21-a JHADC inthlan neih hmain polling station 67, buaina chhuah hlauhawm zual laiah venhimna kalpui turin a ngen.

DEO-te hnena lehkha a thawnah, VPP general secretary, Ricky AJ Syngkon chuan inthlanna zalen leh felfai taka neih chu democracy kalpui turin a pawimawh hle tih a sawi. Vote thlaktute dikna chanvo humhalh nan leh inthlanna tichhe thei tur dan bawhchhiatna dang emaw awm loh nan venhimna changtlung tak kalpui turin a ngen a ni.

VPP chuan polling station venhim ngaite sawi langin, hengte hi East Jaintia Hills-a 21 leh West Jaintia Hills-ah 34 te an ni.Shanpung constituency-a polling station 12 te chu venhim ngai zual, dinhmun hlauhthawnawm berte an ni tih an sawi.