Tripura Speaker-in CM hlui leh eptu hruaitu lakah thupha chawi

Tripura Assembly speaker Biswa Bandhu Sen chuan chief minister hlui, Manik Sarkar leh eptu hruaitu, Jitendra Chaudhary te chungchang a sawinaah ṭawngkam mawi lo tak a hman avangin thupha a chawi.

Speaker Sen hian kar liam taa Dharmanagar, North Tripura-a BJP programme an hmannaah CM hlui Sarkar chu 'bumtu No 1' tiin Chaudhary chu 'bumtu No 2' tiin a sawi a ni. A ṭawngkam mawi lo tak hman avangin thupha a chawi tih a Facebook-ah a rawn ziak a ni.

Speaker ṭawngkam hman hian sawizul leh sawisel pawh a hlawh hle. CPI (M) state secretary ni bawk, Chaudhary chuan Assembly Speaker anih aṭangin an zah ṭhin hle tih a awi a, mahse hetiang ṭawngkam mawi lo tak a rawn hmanna chhan hi hriatthiam a har a tih thu a sawi. A rilru a kim lo ta mai emaw ni tiin, state mipuite chuan tunge bumtu dik tak zawk chu an hre mai dawn a ni, a ti.