Nagaland: Sainik School zirlaite full scholarship pe dawn

Nagaland Chief Minister Neiphiu Rio chuan Sainik School Punglwa (SSP)-a Nagaland aṭanga zirlai awmte chu state sorkarin full scholarship a pe dawn tih a sawi.

Nilania Dimapur-a Bhagat Stadium-a Joint Mega Ex-Servicemen Rally neihnaah CM Rio chuan he thu hi puangin, SSP-ah Nagaland quota neih chu tun hnaiah hnawh khat a ni lo fo niin a sawi bawk.

Kum 2022-23 aṭang khan Nagaland zirlai, SSP-a lut hi an tlahniam. 2023-24-ah chuan Nagaland quota aṭanga seat 16 chu hnawh khat lohin a awm a, 2024-25 ah chuan seat an hnawh khah loh hi 38-ah a pung chho tawh a ni, tiin CM chuan a sawi.

Rio chuan an state puala seat dah an hnawhkhah loh chuan state dang tan pek a ngai dawn tih a sawi. Hei vang hian state chhung mi, Sainik School-a luh tum an pun theihna turin sorkar pawhin full scholarship hi buatsaih a tum ta a ni.