Sikkim: State planning board din dawn

Sikkim chief minister Prem Singh Tamang chuan a kaihhruai sorkarin state planning leh development board a din tur thu a sawi.

Legilator meeting, Samman Bhawan-a Thawhlehnia an neihah thutlukna hi an siam a, he hunah hian senior official-te an tel bawk.

State-level planning board siam bakah assembly constituency level-a board hi din a nih dawn bawk tih CM chuan a sawi. Hei bakah hian member pakua awmna, constituency-level committee pawh hmasawnna leh tihtur hmachhawp ruahman awmte endik tura din an ni bawk ang. Committee-te hi state-level a hnathawh tur awmte endik leh thil pawimawhte lo rel fel tura beisei an ni bawk a ni.

Board din thar hi thawhhona kawnga hmasawnna nan te,langtlang leh rintlak taka Sikkim state chhung project hrang hrang hna thawhna atan te a ṭangkai dawn tih CM chuan a sawi. "He hmalakna hi state ṭhanlenna leh hmasawnna atana sorkar inpumpekna a tilang chiang hle a ni," a ti.

Chief Minister Tamang chuan state pumpuia hmasawnna a awm theih nan stakeholder zawng zawngten hna nasa taka an thawh a pawimawh ziate a sawi bawk.