COCOMI-in anti-narco-terrorist campaign nei turin CM-te ngen

Manipur-a pawl lian ber zinga mi, Coordinating Committee on Manipur Integrity (COCOMI) chuan hmarchhak biala boruak ralmuang leh hmasawnna a awm theina turin, hmarchhial biala chief minister zawng zawngte chu ruihhlo leh hel do hna, anti-narco-terrorist campaign nei turin an ngen.

COCOMI convenor, Khuraijam Athouba chuan Imphal-a chanchinthar lakhawmtute a kawmnaah a sawi a ni. COCOMI hian general body meeting-a hmarchhak state CM-te hnenah an thil ngen chungchangah hian memorandum thehluh an rel bawk.

Resolution an siamah, hmarchhak huam chhunga pawikhawihna hrang hrang thlen ṭhin tih tawpna tura lungrual taka anti-narco-terrorist campaign siam turin an ngen. Khuraijam Athouba chuan COCOMI in anti-narcotics enforcement agency siam leh anti-narcotic campaign buatsaih a nih theih nan hma an lak thu a sawi.

Memorandum hi hmarchhak state chief minister-te hnenah kar khat chhunga an thawn tur thu sawiin, hemi rual hian COCOMI chuan Manipur-a Chin-Kuki helte pawikhawihna thlen ṭhin pawh an chhuizui tur thu a sawi. Manipur sorkar chuan kum 2024 khan an state chhunga ruihhlo leh a kaihhnawih, kg 150,000 chuang tih chhiat a nih thu a lo sawi tawh a ni.