Meghalaya : Dan loa pemlut an awm nia sawi sorkarin a pha

Meghalaya sorkar chuan an state-ah Bangladesh mi, dan loa pem lut an awm nia sawi chu a pha a, report dawn an neih loh thu a sawi.

Dan loa pem lut awm nia sawi hi Delhi police-te report leh chhuizuina aṭanga rawn chhuak a ni.

Chief secretary DP Wahlang chuan state international ramri chu thla hnih aṭanga thla thum kalta aṭang khan a ralmuan thu leh buaina a awm loh thu a sawi.Wahlang chuan Border Security Force (BSF) te leh Meghalaya police te chuan ramri chu ṭha taka an ven thu sawiin, sorkarin ramri kan tum an awm nia intelligence report a dawn chu BSF pawh an hriattir nghal zel thu a sawi.

Sohra-Shella ramriah drone hmuh nia sawi chungchangah, Wahlang chuan information dang engmah hriat a ni lo tiin a sawi. Sorkar laipui aṭanga thu an nghah mek thu a sawi. Hei bakah hian an state-ah dan phal loha lungalhthei khur siam nia sawi awm pawh finfiahna mumal tak a awm loh thu a sawi. Sorkar chuan dan phal loha lungalhthei khur siam awm nia sawi hi a ngai thutak hle a, deputy commissioner-te chu chhui zui leh, a ṭul anga hma la turin a ti a ni, a ti.