Meghalaya : VPP in Education Minister bang turin phut

Voice of the People Party (VPP) chuan Meghalaya sorkar chu education minister Rakkam A Sangha ban turin a phut.

VPP thupuangtu Batskhem Myrboh chuan Education Minister chu education sector ah thiamna leh theihna a neih loh thu a sawi a, hei vang hian zirna lamah pawh an state chuan an tlakhniam phah thu a sawi bawk.

Myrboh chuan minister in zirlai leh zirtirtute tana guide book hmang tura thutlukna a siam chu pass percentage tih tamna mai mai a nih tur thu sawiin, zirna chuan thiamna tak tak a kengtel tur a ni a, exam result ṭhat ringawt a nih loh thu a sawi. Officer ṭhenkhatten zirna lama hmasawnna tur hmathlir hrang hrang an neih laiin, hemi kalpui tur hian hmathlir nei ṭha political leader an awm a ngai tih a sawi. Hetianga siamṭhatna kawngah hian hun remchang pek ni se theihna an party chuan theihna an neih thu a sawi bawk.