Nagaland : Khawlai ui kah phalna thupek tih chhuah khap

Nagaland-a Kohima district administration chuan khawlai ui, stray dog kah phalna thupek tih chhuah a khap.

Kohima additional deputy commissioner Rhoseitho Nguori chuan he thupek hi Inrinni liam ta khan ti chhuakin, Kohima municipal ward chhung leh Kohima district-a thingtlang khuaahte pawl ṭhenkhatin khawlai ui kah phalna, 'shoot-at-sight' order hi an lo tichhuak niin a sawi.

Nguori chuan hetianga thiltih hi Prevention of Cruelty to Animals Act, 1960 (PCA Act) leh Bharatiya Naya Sanhita (BNS) kalh a ni tiin, heng dangte hian ransa engpawh, stray dog pawh tih hlum a khap a ni, a ti. Ui chuangtlaite hi an hmu a nih pawhin ti hlum mai loin, thuneitute hnenah report zel turin a hriattir. Urban area-a awmte tan municipal/town council office leh, rural area-a awmte tan village authority/area administrative offricer te hneah hriattir mai tur a ni, a ti. Report a awm a nih chuan Chief Veterinary Office puihnain, thuneitute chuan stray dog awmte chu an enkawl zui dawn tih a sawi bawk.