NSUI-in Tripura education minister chenna in dansak

National Students' Union of India (NSUI) leader Samrat Roy kaihhruai zirlai ṭhenkhat chuan Ningani khan Tripura education minister Ratan Lal Nath chenna in pawhtu kawngpui an dang. 

Samrat Roy chuan Tripura-a school hrang hrangte harsatna tawh mek sawipui turin minister hi hmuh an tum a, mahse a in hi a lo kalh tlat tih sawiin, a in bulah lungawi lohna lantirin kawng hi an dang tih a sawi. 

NSUI chuan Education Minister hian an Education Deptt a enkawl zo lo a nih chuan a bang mai tur a ni, a ti. Tripura-a school-te chuan zirtirtu indaih loh avangin  harsatna an tawk mek thu a sawi bawk. 

Zirlaite punkhawmna hmunah hian police-te tirh nghal niin, zirlai hruaitute chu an la hrang a, kawng an dan pawh an tihtawp sak nghal a ni.