Nagaland-a highway project lungphum phum

Union minister of road transport & highway, Nitin Gadkari chuan nimin khan virtual ceremony kaltlangin Nagaland-a cheng vaibelchhe 4,127 senga national highway siamna tur lungphum a phum. 

Nagaland-a national  highway siam tur hi km 270-a thui tur a ni a, Imphal leh Dimapur inkar bakah, Kohima leh Phek district inkarah siam a ni ang. 

Highway project hawnna inkhawm buatsaihah hian chief minister Neiphiu Rio pawh a tel a ni. October thla khan Gadkari hian Assam-a Joghighopa-ah India rama multi-modal logistic park hmasa ber siamna tur lungphum a lo phum tawh bawk. He park hi Bharatmala Pariyojana hnuaiah siam a ni dawn a, a siamna atan hian cheng vaibelchhe 693.97 ruahman a ni. Park hi kum 2023-ah zawh fel hman beisei a ni.