Meghalaya : Ayushman Bharat hnuaiah PIMC ziak lut

Meghalaya-a PA Sangma International Medical College and Hospital (PIMC) chu Ayushman Bharat Pradhan Pradhan Mantri Jan Arogya Yojana (AB-PMJAY) hnuaiah ziah luh a ni ta.

Sorkar laipui hnuaia National Health Authority chuan college hian AB-PMJAY hnuaia awm tura thil pawimawh tih ngai hrang hrang a tih fel tawh thu a tarlang. Hemi atana Training programme pawh State Health Agency Meghalaya chuan PIMC, University of Science and Technology Meghalaya (USTM) ah buatsaihin doctor, nurse leh technical staff te an tel.

Hei bakah hian PA Sangma International Medical College and Hospital leh Reliance General Insurance Company Ltd. chuan state nodal agency-Meghalaya hnuaiah thawh dunna tur, Memorandum of Understanding (MoU) pawh an ziak fel tawh bawk.

Meghalaya hi National Energy Conservation Award-a Group-D category ah a kum zawna vawihnihna atan pahnihna a ni leh bawk. He award hi sorkar laipuia Ministry of Power-a Bureau of Energy Efficiency (BEE) in energy renchemna leh energy hnathawh chawi kanna kawnga hnathawk ṭha state hnena a hlan ṭhin a ni.