Assam : Bahubali Jorhat Half Marathon ah mi 700 tlan

Assam-a Jorhat Stadium-ah nimin, December 14 zing khan Bahubali Jorhat Half Marathon buatsaih a ni a, mi 700 vel an tel.

NE Ujjiwan Foun­dation leh Bahubali Egg te thawkdun buatsaih, half marathon hi hriselna leh fitness chawisan leh vantlang mipui inpawh lehzual nana buatsaih a ni.

Marathon-ah hian category pathum siamin, km 21 leh km 10 intlansiak-a inelna leh inelna ni loa km 5-a thui tlante an buatsaih. Hei hi infiamna lama mi thiam bik te leh mipui nawlpui tel theihna tura ruahman a ni.

NE Ujjiwan Foun­dation Director Srimanta Madhab Dutta chuan Jorhat mipuiten an thlawp ṭhat avanga a lawm thu leh an phur thu a sawi a, Assam hmun hran hran aṭangin he marathon ah hian an tel a, inelna zau zawk a awm thu leh international standard mil tura an ruahman thu a sawi. "Kum 68 aṭanga 70 inkarte pawh he marathon ah hian an tel a, fitness in kum daidan bik a neihloh zia tilangtu a ni," a ti.

Dutta chuan marathon hian mipuiah rah ṭha chhuah se, hriselna lam ngaihpawimawh te, chaw hrisel eite leh nitin taksa sawizawi paha tlan ṭhin pawimawh zia mipuiten hre thar se an duh hle tih a sawi. Hun lo la awm zel turah pawh marathon buatsaih zel an tum thu a sawi bawk.