Sikkim: Minister-ten Limboo festival chhim

Sikkim minister te leh hruaitute chuan state chhunga an hunpui pakhat, Limboo hnam festival, Chasok Tongnam leh Teyongsi Srijunga Sawan Tongnam an hmanpui.

Festival hi state chhungah program hrang hrang nen lawm ṭhin a ni a, Limboo hnamin an hnam ziarang an pholan hun a ni ṭhin. Hnam ziarang tarlanna, inlungrualna leh state chhunga hram hrang hrangte inzahtawn leh inngaihhlut tawn sakna tura buatsaih an ni.

Ren Erung Tenzing Lepcha, Rinchengpong bialtu MLA leh Advisor, R&B Department chuan festival lawm tura kalkhawmte chu duhsakna a hlan a, Limboo hnamin an hnum nunphung chhawmnung a, heng festival an buatsaih ṭhin pawimawhziate a sawi bawk. Lachen-Mangan bialtu MLA Ren Samdup Lepcha, pawhin hunpui chu inremna leh an hnam hausakna chawilarna pawimawh tak a ni, a ti.

Forest leh Environment inister Ren Pintso Namgyal Lepcha pawhin festival hi hmanpuiin, mipuite duhsakna a hlan. ṭhangthar lo awm zel tur te tan hnam ziarang chawinun zel a pawimawh thu a sawi bawk a ni.

Chief minister Prem Singh Tamang chu Sikkim hnam hrang hrangte tihdan phung humhalh leh chawikan kawnga hma a lak nasat avangin fak a hlawh hle. A kaihhruai Sikkim Krantikari Morcha (SKM) osrkar hnuaiah hnam hrang hrangte venhim leh chawilarna turin hma lak a ni.