Meghalaya : VPP in candidate ulawk zawkin thlang dawn

Meghalaya-a eptu pawl, Voice of People Party (VPP) hotu Ardent Miller Basaiawmoit chuan Khasi Hills Autonomous District Council (KHADC) leh Jaintia Hills Autonomous District Council (JHADC) inthlan lo awm tura an party candidate tur thlan kawngah uluk zawka kalpui an tum tih a sawi.

Vantlang inkhawm buatsaihah Basaiawmoit chuan East Khasi Hills huam chhunga constituency-a an party tana ding turte hmelhriattirin, party tana rinawm lo tan hmun a awm loh thu a sawi nghal bawk.

Basaiawmoit chuan National People's Party (NPP) kaihhruai sorkar chu bei zuiin, VPP legislator pali te chu rapbet a puhin, dik lo taka politics khelah a puh. VPP in hmasawnna tura scheme hrang hrang a siamte chu sorkarin a tihtawp sak thu a sawi bawk a ni.

VPP hotu lu ber chuan an party candidate chu an ṭhat tawk thu leh inrintawkna an neih thu a sawi a, party rilru sukthlek an hriatthiam bakah rinawm taka party tana an awm tur thu a sawilang bawk a ni.