Assam : Guwahati-ah hmeichhe pawngsualtu mi 7 man

Assam police-ten Kamrup Metropolitan district-a Boragaon-ah hmeichhe pawngsual rawnna a inhnamhnawih mi pasarih an man.

Garchuk Police-te chuan he pawikhawina thleng video a darh hnuah, rang takin hma an la nghal a ni. An mi mante hi kum 18-23 inkar vek niin, nimin zingah khan man an ni. Police-te chuan pawngsual tawktu hi tunge a nih hrechiang turin chhui zuina an nei mek a, pawikhawih dan kimchang zawk hre tur hian hma an la mek bawk. An video chu uluk taka zirchian niin evidence ṭha tawk tak a awm thu Police te chuan an sawi bawk.

Pawikhawitute hi pakua niin pahnih chu chin hriat lohin an awm mek a, man tumin ngawrh taka zawn mek an ni . He pawikhawihna hi Boragaon, Guwahati huamchhunga thleng a ni.

Pawikhawihna thleng lai video hi Garchuk Police Station-a Officer-in-Charge Inspector Nayurjit Gogoi hnenah nimin zing dar 2:30 vel khan journalist Dharmendra Kalita chuan a thehlut a ni. Inspector Gogoi leh Sub-Inspector Kajal Dutta kaihhruai team chuan hma la nghalin, Garchuk leh Jalukbari huamchhungah pawikhawihtute zawn beihpui hi an thlak a, mi pasarihte hi an man ta a ni.