Assam : Congress MP-in GST fund hmang dik loah BJP puh

Assam-a Congress MP Gaurav Gogoi chuan Goods and Services Tax (GST) fund bakah Assam-in chhiah a lak dangte chu rorellai, Bharatiya Janata Party (BJP) mi leh saten dik lo takin an hmang niin a sawi.

Gogoi chuan an sum hmuhte hi mipui vantlang hamṭhatna tura hmang loin, BJP party mi leh saten anmahni chanpual atan an insem a ni, a ti.

State chhunga hamṭhatna dawngtu nia sawi, a lem an siam chungchangte chu Congress MP hian a official social media-ah a tarlang a ni. PM-Kisan scheme aṭanga sum hmuh, mipui vantlang hamṭhatna leh hmasawnna tura tih cheng vaibelchhe chuang pawh a hmanralna hriat loha a riral thu a sawi.

Gogoi chuan rorellai BJP-in mipui pawisa chu anmahni in haivur nan an hmang a ni tiin, Assam mipuiten GST, chhiah leh duty an chawi laiin heng sum tlingkhawmte hi BJP party mi leh sa ten an chanpualah an la vek a ni, a ti.

November thlatir lam khan Gogoi chuan Assam-a PM-KISAN Yojana hnuaia fund hmuh chu tihchingpen a ni a, a hmanna tura hman a nih loh thu hi a lo sawi chhuak tawh a ni. Rs vbc 567 sem chhuah nia sawi aṭangin 0.24% chauh hmuh chhuah a nih thu a sawi. Sorkar chu loneitu thawkrim tak takte ngaihthahah a puh a, an hlawkna leh hamṭhatna turte pawh an chhuhsak niin a sawi.