Assam: Online hmanga bumna tawkte sum hmuh let sa

Assam-a Guwahati Police-te chuan Cyber Crime Police Station aṭangin online hmanga bumna tawktuin a sum a hloh, Rs 2,35,310 an hmuh let sak leh.

Bumna tawktu hi Satgaon a cheng niin, tun hnai khan inbumna (fraudulent scheme) hmangin Rs. 15,00,000 a chan a ni. Guwahati Police te he thil thleng hi chhui zuiin, Cyber PS team-in Rs. 2,35,310 an hmuh let thu leh bumna tawktu bank account ah thunsak leh nghal a nih thu an sawi. A sum hloh dang pawh hmuh let sak leh ngei tuma hma lak anih thu an sawi bawk.

Online hmanga inbumna a hluar chho hle a, mi tam takin bum tawkin sum tam tak an chan tawh hlawm a ni. Hei hi chu tih tawp a nih theih nan dan kengkawhtute pawhin kawng hrang hrangin hma a la mek zel a ni.

Thuneitute chuan mipuite chu online hmanga pawisa thawnchhuah kawngah te, investment scheme hrang hrang hriatchian hmasak phawt pawimawh zia leh hetiang kaihhnawih platform hrang hrang te hrechiang loa pawisa thawn laka fimkhur turin mipui an chah