Assam: Guwahati Railway Station-ah buaina chhuak

Guwahati Railway Station-ah November 13, 2024 zan khan chawpchilh taka Guwahati-Silchar rel tlan tur cancel a nih vangin khualzinte an lungawi lo a, buaina a chhuak.

Silchar-ah sipai lak runpui a awm dawn avangin, rel hmanga Silchar pan tur candidate tam tak chu an awm a ni. Mahse hun tepter tawh takah reltlan tur hi cancel a nih thu an puang a, khualzin tangkhangte an lungawi lo hle. Silchar pan tum zingah hian state chhung leh state pawn lam mi pawh an tel. Rel tlan tur cancel a nih thu an puan hnuah, Paltan Bazar Police Station kawtah kalkhawmin Indian Railways chunga an lungawi lohna thute an aupui zui bawk.

Mipui kalkhawm, a bikin sipai laknaa tel tum, rel tlan tur cancel thut a nih avanga tangkangte lungawi lohna hi a punlun chho zel a, mahse dan leh thupek kengkawh turin police team tirh an ni a, boruak pawh a ziaawm thei a ni.