Meghalaya: Gambegre by-election-ah vote thlaktu ṭhahnem

Meghalaya chief minister Conrad K Sangma nupui in candidate-na hmun, Gambegre Assembly consituency-ah Nilaini khan by-election neih niin vote a tla ṭha hle.

CM Sangma chuan democracy in khua leh tui chakna a siam thu sawiin, ngunthluk taka vote thlak turin mipuite a ngen. Vote thlaktu te chu an hma hun lo awm tur leh an ngaihdan te hriatpui hlawh a nih theih nan tuna vote an thlak hian kawngro a sut thu sawiin, ngun taka ngaihtuah chunga vote thlak turin mipuite a chah.

He inthlanah hian Chief Minister nupui, Mehtab Chandee Sangma chu rorellai National People's Party (NPP) aiawhin a ding a, ngaihven pawh a hlawh hle a ni. Vote thlak ṭan theih hun, zing 7 aṭangin polling station-ah vote thlak tur an pungkhawm ṭha nghal hle tih chief electoral officer BDR Tiwari chuan a sawi. Polling station 51 awmin, heng zinga 31 chu venhim ngai zualah dah an ni. Vote nei hi 32,254 awmin an zingah 15,923 an awm.

Mehtab Chandee Sangma hian khingpui panga neiin Congress candidate Jingjang M Marak, Trinamool Congress Sadhiarani M Sangma, BJP Bernard N Marak leh independent candidate Sengkrabirth Marak leh Jerry A Sangma an ni.

Gambegre bialah hian hi Saleng A. Sangma bial ṭhin a ni a, mahse Lok Sabha inthlanpuiah Parliament member atan thlan tlin a nih tak avangin a bial hi chhuahsan a, by-election neih a ngai ta a ni.