Tripura: BSF ten Bangladesh mi 5 man

Border Security Force (BSF) chuan Inrinni liam ta khan Tripura hmun hnihah Bangladesh mi panga an man.

Inrinni chawhnu dar 2:30 vel khan BSF sipaite hian Sepahijela district-a Kamla Sagar ah Bangladesh mi pali, India rama dan phal loha luh ruk tum mi pali an man a ni.

An mi mante hi Bangladesh mi pathum, Gopalganj district-a chengte niin a dang pakhat hi Kasba-a cheng a ni thung.

Hmundanga venhimna an kalpuinaah Bangladesh mi pakhat dang chu BSF sipaite hian BOP Samrupara, Unakoti district-ah an man bawk. Netrakona district, Bangladesh-a cheng a ni tih an sawi.

BSF hian hmun hrang hrang a venhimna an kalpuina hmunah ramria dan phal loha bungrua tawlhruk chu an man bawk. Ranvulh 12 leh chini kg 900 bakah danin a phal loh bungrua, Rs nuai 3 man hu an man bawk.

Tun hnai khan BSF hian Rohingya mi pahnih chu Tripura-a Gomati district-a Karbook bus stand-ah an man tawh bawk a, Bangladesh aṭanga tlanchhia an ni. An pahnih hian Bangladesh-a Rohingya Refugee Camp, Cox Bazar aṭanga rawn kal an ni. An kut aṭang hian India pawisa, mobile handset leh UNHCR ( United Nations High Commissioner for refugee) card an mansak.