Hmarchhak tan copter subsidy scheme-ah Rs vbc 799 pe chhuak

Sorkar laipuiin hmarchhak bial tana helicopter subsidy scheme a siamah, Ministry of Home Affairs (MHA) chuan Inrinni liam ta khan hmarchhak state hrang hrangte hnenah financial year 2016-2024 chhung atan Rs vbc 798.95 a pe chhuak.

He scheme hi hmarchhak bial huam chhunga hmun kilkhawr zawkte kalpawhna ṭha zawk a awm theihna tura ruahman niin Arunachal Pradesh, Meghalaya, Nagaland, Sikkim, Tripura, Mizoram leh Manipur-ah te rikrum thil thlen thuta in hruaichhuah a ngaih pawha hman theih tura tih a ni.

Hmarchhak bial huam chhunga chengte tan khuarel chhiatna thleng leh, dam lohna thila inhruai chhuah a ngaih pawha man man zawka khualzinte tana hman theih tura duan a ni bawk.

Sorkar laipui chuan helicopter service-na atan senso zinga 75% chu a tum a ni. Hetih lai hian subsidy hi khuahkhirh turin, heng state-a kum khat chhunga helicopter thlawh theih zat darkar hi an bithliah a ni.

Hmarchhak biala helicpter service mekte hi Dauphin, M1-172, Bell 412, leh Bell 407 te niin, state tin hian flying hours bithliah hran an nei vek bawk. Tripura-ah dakar 480, Arunachal Pradesh darkar 3,460, Sikkim darkar 1,200, Meghalaya darkar 720, Nagaland darkar 480 leh Mizoram darkar 960 te niin MHA chuan a tarlang.