Nagaland : School zawng zawngah NEP 2020 hmang dawn

Nagaland State Level Education Committee (SLEC) chuan National Education Policy (NEP) 2020 chu state chhunga sorkar school leh mimal school-ah academic year thara hman vek turin a ti. He thutlukna hi tun hnaia SLEC meeting, chief minister Neiphiu Rio kaihhruaia an neihah nemngheh a ni.

School Education Department chuan November 1-a an meeting-ah Nagaland-a zirna lama hmalakna tur hrang hrang an duante pawh an sawilang bawk. Heng zingah hian state chhunga sorkar school tihhmasawn leh zirna tihchangkana turte pawh a tel a ni. SLEC hian mimal school, sorkar hriatpuina nei te pawhin NEP 2020 hi an hmang dawn a ni, a ti.

Zirna tihhmasawnna tura hmalakna kawng khat atan, committee chuan middle leh high school 16 chhunfin leh, primary leh middle school 20 chhunfinna tur pawh an pawm. Zirlai inziak lut awm lohna primary school 17 pawh titawp a ni dawn bawk a, heng school-a zirtirtute an bul hnai remchangah sawn an ni ang.