Meghalaya: NEHU staff te November 4 aṭangin nuar dawn

Meghalaya-a North Eastern Hill University (NEHU) non-teaching staff te chuan thawktu lak tur chungchang, kum 2023, November thlaa advertisement tih chhuah a ni tawh chunga tun thlenga tihkhawtlai a la nih avangin vawiin, November 4 aṭangin nawrh an huaihawt dawn.

National Testing Agency chu hna lakna tur buaipuitu a nihna aṭang kum 2024, July thlaa a inhnuhdawh avangin hma an la chhunzawm thei lo. September 30 thleng khan agency ruat thar an la awm lehlo a ni.

NEHU Non-teaching staff association chuan exam syllabus leh test hun leh ni tur a rang lama siam turin an phut a, hei bakah hian kum 10 aia rei thawk tawh te kaisan tir an phut bawk. Meghalaya -a central university awmchhun, NEHU-a inrelbawlna felhlel leh hna tih khawtlai awmte duh lohna lantir a, university zirtirtu leh zirlai pawlten campaign an neih chu an thlawp thu non-teaching staff chuan an sawi bawk.