Arunachal: Tawang ah national integration tour Gajraj Corps in hawng

Indian Army-in Operation Sadbhavana hnuaia 10-day National Integration Tour a buatsaih turah Mahabodhi School aṭangin zirlai naupang 15 leh zirtirtu pakhat an thlang.

He hmalakna hi Gajraj Corps te ruahman niin, zirlai kum naupang zawkten India ram cultural heritage leh a ṭhan dante an hriat theihna atana buatsaih an nih thu an sawi.

Zirlai naupangte hian hmun pawimawh tak tak Taj Mahal, Qutub Minar leh Vrindavan bakah Nehru Planetarium te an tlawh dawn a ni. He tour-ah hian zirlai naupangte chu sorkar mi pawimawh tak takte nena inhmuhna hun te an buatsaih sak dawn a, anmahni tana hlawk tur leh zirna kawnga tha thona pe thei tur thil te pawh an ti tel dawn a ni.

National Integration Tour hi India sipaiten inpumkhatna an ngaih pawimawhzia leh hnam rohlu zirlaite hnena hriattir a ṭul zia tilangtu a ni. Operation Sadbhavana hi sipaiten zirlai naupangte hnenah India ram chanchin hlu tak takte hria a, lawmna chang hre tur leh an hma hun atan a ṭangkai zia an hriat theih nana buatsaih an ni bawk.

Defence Ministry chuan he tour hi zirna kawng mai bakah Jammu and Kashmir leh hmarchhak bial zirlai naupangte tan a ṭha lam zawnga fuihtu a ni, a ti.