Tripura: Kadamtala a buaina chhuakah mi pariat man

North Tripura-a Kadamtala-ah October 6 khan Durga Puja hmanna tur atana tih luihna hmanga pawisa khawn a nih avanga buaina chhuakah Tripura police-ten buaina thlentu mi pariat an man.

North District Superintendent of Police, Bhanupada Chakraborty mi pariat an man thu sawiin, Kadamtala-ah hian security force dahin, boruak pawh a pangngai tawh niin a sawi.

Buaina hi Pathiannia thil thleng kha niin Kadamtala-a Muslim chhungkua, Assam-a inentir tura rawn kalte Durga Puja buatsaihtute chuan lo ti dingin sum tam tham tak an lo phut a ni. Hei vang hian inhnialin a hnuah buaina a chhuak zui ta a ni. He thil thleng vang hian Muslim mi leh sate chuan police station kawtah lungawi lohna an lantir a, Puja buatsaihtute chu hrem an phut a ni. An complaint thehluh behchhanin mi pahnih man nghal an ni a, a hnuah bazar-ah misual ṭhenkhatin buaina siam zui lehin, dawr te an suasam bakah an hal zui a, buaina hi a punlun chho ta a ni.