Sikkim: Khechuperi School-ah tree library hawng

Sikkim-a Gyalshing district-ah tree library siam hmasak chu nimin khan Khechuperi Senior Secondary School-ah hawn a ni. He hun hmanah hian Sampoornata Abhiyan programme kharna pawh neih a ni nghal bawk.

Tree library hi zirlaite tana lehkha chhiar chawilar leh, leilung humhalhna zirtirna pawimawh tak pakhat a ni. Hawnna inkhawmah hian Gyalshing district collector Yishey D Yongda chu khuallian niin, mi pawimawh dang eng emaw zatin an telpui.

Yongda chuan tree library chuan zirlai naupangteah lehkha chhiar ngainatna tuh a tum a, lehkhabu chi hrang hrang, an tana ṭangkai tur dah zel tum a ni, a ti. He library hi naupangten kawng dik lo an zawh tur venna atan leh, rilru hrisel leh ngaihtuahna ṭha leh zau tak an neih theihna tura hmanraw pawimawh tak a nih tur thu a sawi.

Library hawn bakah hian Cooperation Department-a mobile Common Service Centre (CSC) hawn a ni nghal bawk a, hei hi hmun kilkhawr zawka awmte tana sorkar service changtlung zawka kalpui a nih theihna tura hmalakna a ni.