Sorkar laipuiin Sikkim tan Rs vbc 400 hu project a sanction: CM Tamang

Sikkim chief minister Prem Singh Tamang chuan kar liam ta Zirtawpni khan an state tan Ministry of Development of North Eastern Region (DoNER)-in Rs vbc 400 hu project a sanction tih a sawi.

CM Tamang chuan press conference koin, Sikkim tan project hrang hrang sanction a nih avangin Sikkim-a zin mek DoNER minister Jyotiraditya Scindia hnenah lawmthu a sawi a, state chhungah hmasawnna hna chak takin an thawh theih phah dawn tih a tarlang.

“Sikkim a rawn tlawh bakah state hmasawnna turin project chi hrang hrang min sanction avangin Scindia chhungah ka lawm takzet,” tia sawiin, CM chuan project tharte hmanga insfrasctuture tih changtlun a nih dawn bakah, state chhunga hmasawnna hna pawh chak zawkin an thawh theih phah tur thu a sawi a ni.

Union Minister Scindia pawhin DoNER Ministry chuan Sikkim sorkarin project hrang hrang Ministry hnena a thehluhte chu an ngaihtuah hnuah, state medical college thar sakna turin Rs vbc 170, Namchi district hospital-a inenkawlna bungrua lei nan Rs vbc 150 leh Mangan district hospital tih changtlun nan Rs vbc 6 a sanction thu a sawi. Mahni state ngeia inenkawlna ṭha an dawn theih nan sorkar laipui chuan Sikkim healthcare infrastucture tih changtlun a tum a ni, a ti bawk.

“Project hrang hrang sanction hian state chhung hmun hrang hranga mipui mamawh a phuruk dawn” tiin Union Minister chuan a sawi.