Tripura : Agartala-ah hmeichhiate himna ngiatin kawngzawh

Tripura khawpui, Agartala-ah hmeichhiate himna ngai pawimawh tura duhna leh ang khata en an duh tih lantir nan kawngzawh a ni. He hunah hian hmeichhia mai bakah naupang leh mipate pawh an tel.

Hmeichhe himna ngiata kawngzawh hi Ujjayanta Palace aṭanga ṭan niin Agartala City Centre thleng an kal a ni. Kawngzawhtute chuan khawvel huapa hmeichhiate laka tharum thawhna thleng ṭhin chu sawilangin, pawngsual chu minute 60 dana thleng anga chhut a niin, hetih lai hian thubuai ziah luh loh tam tak a awm, an ti.

Agartala-a kawngzawhtute chuan hmeichhiate him zawk nan thil pathum an phut a - private sector zawng zawnga Prevention of Sexual Harassment Act hman, sikula mahni invenhim dan tur zirtir leh pawngsual thubuai chak zawka chinfel a nih theih nan hmalak ni se an duh tih an tarlang.

Tripura-a kawngzawh hi RG Kar Medical College-a thil thleng duh lohna lantirna a nih rualin kawngzawhnaa telte chuan a huam zau zawk, hmeichhiate himna ngaih pawimawh ni se an duh vang a ni. RG Kar-a tual thahna thlenga thiam loh changte chu na taka hrem ni se an duh tih an sawi bawk.